Drita nuk ka arritur t’i bëj ballë gjigantit danez, Copenhagen përkundë një loje të mirë që e zhvilloi në tokën daneze.

Skuadra e Zekirija Ramadanit u mposht me rezultat 2-0, në sfidën e parë të rrethit të dytë kualifikues për Ligën e Kampionëve, shkruan Arbresh.info.

Pjesa e parë u mbyll pa gola, me një dominim nga danezët, por gjilanasit u mbajtën fort.

Mirëpo një pakujdesi nga Ovouka, në minutën e 69-të, i dha një penallti danezëve të cilën në gol e konkretizoi Mattsson për 1-0.

Shtatë minuta më vonë, Ovouka shkaktoi një tjetër penallti, ku sërish ishte i saktë Mattson.

Deri në fund nuk pati gola tjerë dhe kështu, Drita mposhtet, duke i zbehur gjasat për kalim tutje.

Ndeshja e kthimit luhet në Prishtinë javën e ardhshme. Në rast eliminimi, Drita luan në fazën e tretë të kualifikimeve për Ligën e Evropës, ku e pret humbësin e ndeshjes Shkëndija e Tetovës – FCSB./Arbresh.info